Pro14: Southern Kings 34-41 Scarlets

Scarlets Image copyright Gallo Images

Fe sicrhaodd y Scarlets fuddugoliaeth a phwynt bonws mewn perfformiad arwrol o dan amgylchiadau anodd yn Ne Affrica.

Dechreuodd y Southern Kings ar dân gan garlamu i fantais o 17-3 wedi 22 munud.

Ond fe daniodd yr ymwelwyr yn yr ail hanner gan sgorio chwe chais i gyd.

Daeth y ceisiadau i'r Scarlets gan y capten Steffan Hughes, Will Boyde, Ioan Nicholas, Werner Kruger, Kieran Hardy a Taylor Davies.

Cychwynnodd y Scarlets y gêm yn erbyn Southern Kings heb 20 o'u chwaraewyr.

Roedd 12 gyda charfan Cymru, chwech wedi'u hanafu, Kieron Fonotia wedi'i wahardd a Blade Thomson heb deithio yn dilyn genedigaeth ei blentyn.

Pynciau Cysylltiedig