Teyrnged i Ben Leonard a syrthiodd o'r Gogarth

Cyhoeddwyd
Disgrifiad o’r llun,
Bu farw Ben Leonard wedi iddo ddisgyn oddi ar ddibyn Y Gogarth yn Llandudno

Mae teulu bachgen 17 oed fu farw wedi iddo syrthio o greigiau'r Gogarth yn Llandudno wedi rhoi teyrnged iddo.

Dywedodd Jackie a Dave Leonard bod eu mab yn "fachgen caredig, ffraeth a hyfryd".

Cafodd y gwasanaethau brys eu galw oddeutu 14:00 prynhawn Sul i Marine Drive wedi i ddyn ddisgyn o'r creigiau.

Bu farw Ben Leonard yn y fan a'r lle.

Dywedodd ei rieni: "Roedd yn fachgen caredig, ffraeth a hyfryd, ac mi fyddwn yn gweld ei eisiau'n arw."

"Gofynnwn i bawb barchu ein preifatrwydd yn ystod yr adeg anodd hon."

Nid oes eto unrhyw fanylion pellach am y digwyddiad.