Cerddwr yn yr ysbyty wedi gwrthdrawiad ger Bangor

Cyhoeddwyd
Ffynhonnell y llun, Google
Disgrifiad o’r llun,
Digwyddodd y gwrthdrawiad ar yr A4244 ger Pentir

Cafodd cerddwr anafiadau difrifol ar ôl gwrthdrawiad â char ger Bangor nos Sadwrn.

Ychydig cyn 23:00, cafodd yr heddlu eu galw i ddigwyddiad yn ymwneud â char VW Golf Plus du a cherddwr ar yr A4244 yn Efail Castell ym Mhentir.

Cafodd y dyn ei gludo mewn ambiwlans i Ysbyty Gwynedd.

Dywedodd Leigh McCann o Uned Plismona'r Ffyrdd: "Rydym yn apelio ar unrhyw un a oedd yn teithio ar yr A4244 cyn y digwyddiad, neu a welodd ddyn yn cerdded yno, i gysylltu â ni."

Dylai unrhyw un sydd â gwybodaeth gysylltu â'r heddlu a dyfynu'r cyfeirnod W117316.