Cynghrair Cenedlaethol: Eastleigh 1-3 Wrecsam

Cyhoeddwyd
Ffynhonnell y llun, Getty Images

Mae Wrecsam yn parhau ar frig y Cynghrair Cenedlaethol ar ôl curo Eastleigh o dair gôl i un i ffwrdd yn Ten Acres.

Daeth gôl agoriadol y Dreigiau o droed Manny Smith wedi naw munud o chwarae.

Amddiffynnwr Eastleigh, Alex Wynter oedd yn gyfrifol am ail gôl Wrecsam, yn ei phenio i'w rwyd ei hun o groesiad gan Luke Summerfield.

Aeth pethau o ddrwg i waeth i Eastleigh yn yr ail hanner wrth i Andrew Boyce gael ei anfon o'r cae â cherdyn coch.

Rhoddodd Paul McCallum lygedyn o obaith i'r tîm cartref gyda gôl yn y 68fed munud, ond cafodd buddugoliaeth Wrecsam ei selio gan drydedd gôl, y tro hwn o droed Mike Fondop.

Nid yw'r BBC yn gyfrifol am gynnwys safleoedd allanolGweld mwy ar Twitter