Abertawe angen gwyrth i osgoi disgyn o'r Uwch Gynghrair

Abertawe Image copyright Huw Evans picture agency
Image caption Cafodd Abertawe eu trechu gan Southampton nos Fawrth

Bydd Abertawe'n disgyn i'r Bencampwriaeth oni bai bod gwyrth ar y diwrnod olaf yn yr Uwch Gynghrair ddydd Sul.

Mae hynny wedi i Huddersfield sicrhau gêm gyfartal 1-1 yn Chelsea nos Fercher, gan olygu nad yw'r Elyrch yn gallu gorffen yn uwch na nhw yn y tabl bellach.

I osgoi disgyn o'r gynghrair, byddai'n rhaid i Abertawe drechu Stoke, gobeithio bod Southampton yn colli yn erbyn Manchester City, a bod 10 gôl o wahaniaeth rhwng y ddau dîm.

Er enghraifft, byddai'n rhaid i Abertawe drechu Stoke 5-0 a gobeithio bod Southampton yn colli 5-0 yn erbyn Manchester City.

Cafodd y Cymry eu trechu gan Southampton nos Fawrth.

Mae Stoke, sydd ar waelod y tabl, eisoes yn sicr o ddisgyn i'r Bencampwriaeth y tymor nesaf, ond dyw Abertawe heb ennill yr un o'u wyth gêm ddiwethaf.

Straeon perthnasol