Parkes yn arwyddo cytundeb newydd gyda'r Scarlets

Cyhoeddwyd
Ffynhonnell y llun, Getty Images

Mae canolwr Cymru Hadleigh Parkes wedi arwyddo cytundeb newydd gyda'r Scarlets.

Fe ymunodd Parkes, sy'n 30 oed, â'r rhanbarth ym mis Rhagfyr 2014, a mae o wedi chwarae mewn 93 o gemau, gan sgorio 12 cais.

Tydi'r Scarlets heb ddatgelu beth yw hyd y cytundeb newydd.

Er yn wreiddiol o Seland Newydd, mae o'n gymwys i chwarae dros Gymru ers mis Rhagfyr 2017, ac mae o wedi ennill chwech o gapiau, gan sgorio tri chais.

Mae Parkes 'nôl yng ngharfan Y Scarlets ar gyfer y gêm yn rownd wyth olaf Cwpan Pencampwyr Ewrop yn erbyn La Rochelle nos Wener - yn ogystal â Rob Evans, Ken Owens, Gareth Davies, Leigh Halfpenny a John Barclay yn dilyn Pencampwriaeth y Chwe Gwlad.