Gemau oddi cartref i'r Cymry yng Nghwpan FA Lloegr

Dwy gêm oddi cartref sy'n wynebu'r ddau dîm o Gymru sydd ar ôl yng Nghwpan FA Lloegr, os bydden nhw'n llwyddiannus yn eu hail gemau.

Yn dilyn gemau cyfartal yn y bedwaredd rownd, bydd Casnewydd yn teithio i Wembley i chwarae yn erbyn Tottenham eto, a bydd Abertawe yn chwarae Notts County yn Stadiwm Liberty am le yn y bumed rownd.

Os bydd Casnewydd yn ennill, taith i Millwall neu Rochdale fydd yn eu hwynebu, gyda'r ddau dîm yma hefyd angen ail-chwarae wedi gêm gyfartal.

Mae gêm oddi cartref yn Sheffield Wednesday, sef cyn-glwb rheolwr Abertawe, Carlos Carvalhal yn disgwyl enillwyr y gêm rhwng yr Elyrch a Notts County.

Mae Caerdydd eisoes allan o'r gystadleuaeth ar ôl colli o 2-0 yn erbyn Manchester City ddydd Sul.

Bydd y gemau yn cael ei chwarae ar benwythnos 17 Chwefror.