Pro14: Munster 36-10 Gweilch

Cyhoeddwyd
ffynhonnell y llunGetty Images

Mae'r Gweilch yn parhau ar waelod Adran A y Pro14 ar ôl cael crasfa gan Munster yn Iwerddon nos Sadwrn.

Fe wnaeth yr ymwelwyr ildio dau gais tra'r oedd y blaenasgellwr Will Jones yn y gell gosb yn yr hanner cyntaf.

Cafodd y ceisiau cynnar hynny gan Sam Arnold a Darren Sweetnam eu dilyn gan un arall gan Chris Cloete.

Fe wnaeth Jeff Hassler daro 'nôl i'r Cymry cyn i Rory Scannell sicrhau'r pwynt bonws i'r Gwyddelod.

Llwyddodd Jack O'Donoghue i ychwanegu pumed cais i Munster cyn i Jones sgorio cais gysur i'r ymwelwyr ar y diwedd.

Pynciau Cysylltiedig