Penodi Leon Britton yn is-hyfforddwr ar Abertawe

Leon Britton Image copyright Getty Images

Mae'r chwaraewr canol cae Leon Britton wedi ei benodi'n is-hyfforddwr Abertawe.

Daw ei benodiad wythnos wedi i Claude Makelele adael y clwb i gymryd yr awenau yn KAS Eupen yng Ngwlad Belg.

Fe fydd Britton - sydd wedi chwarae dros 500 o weithiau dros yr Elyrch - yn parhau â'i rôl fel chwaraewr.

Ond bydd yn ildio'r gapteniaeth wrth iddo gamu i'w swydd newydd.

Dim ond pedair o weithiau mae Britton wedi chwarae dros y clwb yn yr Uwch Gynghrair y tymor hwn.

Straeon perthnasol