Dyn yn y llys wedi ei gyhuddo o geisio cipio plentyn

  • Cyhoeddwyd
Pafiliwn Jade JonesFfynhonnell y llun, Google
Disgrifiad o’r llun,
Cafodd yr heddlu eu galw i'r digwyddiad ger Pafiliwn Jade Jones brynhawn Sul

Mae dyn 50 oed sydd wedi'i gyhuddo o geisio cipio plentyn pedair oed yn Y Fflint wedi ymddangos ger bron llys.

Cafodd yr heddlu eu galw i'r digwyddiad ger Pafiliwn Jade Jones yn y dref am tua 14:00 ddydd Sul.

Cafodd Krzysztof Ogonowski ei arestio, ac fe wnaeth ymddangos ger bron Llys Ynadon Yr Wyddgrug ddydd Mawrth.

Roedd yn dilyn y gwrandawiad drwy gyfieithydd Pwyleg, ac fe wnaeth bledio'n ddieuog i'r cyhuddiad.

Cafodd Mr Ogonowski ei gadw yn y ddalfa, a bydd yn ymddangos yn Llys y Goron Yr Wyddgrug ym mis Medi.