Gŵyl y Dyn Gwyrdd ar droed

Cyhoeddwyd

Fe fydd Gŵyl y Dyn Gwyrdd 2017 yn dechrau'n swyddogol ddydd Gwener.

Eleni fe fydd yr ŵyl yn croesawu rhai o enwau amlwg y byd cerddoriaeth, gan gynnwys PJ Harvey, Ryan Adams a'r Future Islands, fe fydd rhai o ser y byd pop yng Nghymru hefyd yn ymddangos gan gynnwys DJ Radio 1 - Huw Stephens a'r artist o Gaerdydd, H Hawkline.

Mae'r Dyn Gwyrdd yn ŵyl sy'n cael ei chynnal yn flynyddol yn ardal Crucywel ers 2003. Hon felly yw'r 15fed tro iddi gael ei chynnal.

Ffynhonnell y llun, Getty Images
Disgrifiad o’r llun,
Fe fydd PJ Harvey, Ryan Adams a Future Islands yn ymddangos eleni

Mae gwasanaeth parcio a theithio ar waith i'r safle Grucywel, ac mae'r heddlu wedi dweud y gallai traffig fod yn drwm ar ffordd yr A40 rhwng y Fenni ac Aberhonddu.

Disgwylir hefyd i ffordd yr A465, Blaenau'r Cymoedd, fod yn fwy prysur nag arfer wrth i ymwelwyr fynd i'r digwyddiad, lle bydd tua 1,500 o weithredoedd o gerddoriaeth, comedi, llenyddiaeth a ffilm yn perfformio ar 17 o lwyfannnau gwahanol.

Pynciau Cysylltiedig