Cyhuddo dyn o gam-drin rhyw hanesyddol yn erbyn plant

Arestiwyd Bryan Davies ar ynys Gozo, Malta

Mae cyn ddirprwy bennaeth cartref gofal yn Llangollen wedi ymddangos ger bron llys i wynebu cyhuddiadau o gam-drin 11 plentyn.

Yn ystod y gwrandawiad yn Llandudno gorchmynnwyd cadw Bryan Davies, 70 oed, yn y ddalfa.

Mae Mr Davies, cyn ddirprwy bennaeth Neuadd Ystrad yn Llangollen, yn wynebu 38 cyhuddiad.

Mae'r honiadau yn cynnwys ymosod yn anweddus ac ymosodiadau rhyw difrifol ar fechgyn yn ystod y 1970au.

Mae hefyd yn wynebu cyhuddiadau o wneud lluniau anweddus o blant yn Sussex rhwng 2007 a 2013, ac o annog gweithgaredd rywiol yn 2011 a 2012.

Cafodd Mr Davies ei arestio yn Malta yn dilyn ymchwiliad gan swyddogion Ymchwiliad Pallial sydd yn ymchwilio i honiadau o gamdrin rhywiol hanesyddol yng ngogledd Cymru.

Bydd Mr Davies yn ymddangos ger bron Llys y Goron Yr Wyddgrug ym mis Medi.