Dynes wedi disgyn yn Eryri

Cyhoeddwyd
Ffynhonnell y llun, Tîm Achub Llanberis

Mae menyw yn cael triniaeth yn yr ysbyty wedi iddi gwympo yn Eryri brynhawn Sadwrn.

Cafodd tîm achub mynydd Llanberis ei alw i lwybr Pyg - sef un o'r llwybrau mwyaf heriol i gyrraedd Yr Wyddfa - ychydig cyn 17:00.

Oherwydd natur anaf y gerddwraig bu'n rhaid galw ar wylwyr y glannau i fynd â'r ddynes mewn hofrennydd i Ysbyty Gwynedd Bangor.

Yn gynharach ddydd Sadwrn bu'n rhaid achub dyn oedd wedi mynd i drafferthion ar gefn Crib Goch.