George North yn dychwelyd i Northampton

Cyhoeddwyd
Ffynhonnell y llun, Rex Features
Disgrifiad o’r llun,
Cafodd George North ei anaf wrth chwarae i'w glwb yn erbyn Leicester Tigers

Fe fydd George North yn chwarae i'w glwb Northampton Saints am y tro cyntaf ers iddo gael anaf i'w ben ar 3 Rhagfyr.

Ni chafodd y clwb gosb am ganiatáu i asgellwr Cymru ddychwelyd i'r maes wedi'r anaf, er bod panel cyfergyd wedi dweud na ddylai fod wedi chwarae.

Mae World Rugby - corff rheoli'r gamp - wedi gofyn am fwy o fanylion gan Undeb Rygbi Lloegr am ddiffyg cydymffurfio Northampton gyda'r rheolau'n ymwneud â chyfergyd mewn perthynas â George North.

Roedd yr asgellwr 24 oed wedi diodde' pedair ergyd i'w ben mewn pum mis rhwng Tachwedd 2014 a Mawrth 2015 gan arwain at gyfnod o beidio chwarae rhwng Mawrth ac Awst 2015.

Mae North yn cymryd lle Juan Pablo Estelles, ac mae Ross Moriarty ar y fainc ar gyfer y gêm yng Nghaerloyw ar Ddydd Calan.

Yn nhîm Caerloyw mae James Hook a Richard Hibbard.

Caerloyw: Hook; Halaifonua, Symons, Twelvetrees, May; Burns, Heinz (capt); Hohneck, Hibbard, Ma'afu, Savage, Thrush, Ludlow, Kvesic, Morgan.

Eilyddion: Matu'u, McAllister, Afoa, Galarza, Moriarty, Laidlaw, Scott, Purdy

Northampton: Foden; Pisi, Burrell, Hanrahan, North; Myler, Groom; Waller, Haywood, Brookes, Lawes, Day, Wood (capt), Harrison, Picamoles.

Eilyddion: Clare, Waller, Hill, Ratuniyarawa, Gibson, Kessell, Mallinder, Estelles.

Straeon perthnasol

Hefyd gan y BBC

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol