Apêl am wybodaeth wedi gwrthdrawiad angheuol

Cyhoeddwyd
Ffynhonnell y llun, Google

Mae Heddlu Gwent yn apelio am wybodaeth wedi gwrthdrawiad angheuol ar ffordd yr A4048 ger Markham brynhawn dydd Mercher.

Fe gafodd y gwasanaethau brys eu galw wedi gwrthdrawiad rhwng Vauxhall Astra arian a Volkswagen Polo gwyn.

Bu farw gwraig 67 oed o ardal Caerffili yn y fan a'r lle.

Fe gafodd dyn 55 oed o ardal Crosskeys anafiadau difrifol a chafodd ei gludo i Ysbyty Athrofaol Cymru.

Fe ddylai unrhyw un sydd â gwybodaeth gysylltu â Heddlu Gwent a dyfynu rhif 299 o 14/12/16.