Cyhoeddi enw dyn fu farw ar yr A499 yng Ngwynedd

  • Cyhoeddwyd
Neil CottrellFfynhonnell y llun, Heddlu Gogledd Cymru

Mae'r heddlu wedi cyhoeddi enw dyn fu farw wedi gwrthdrawiad ar yr A499 yng Ngwynedd ddydd Iau.

Roedd Neil Cottrell yn 50 oed ac yn dod o ardal Trefor ger Caernarfon.

Bu farw wedi'r gwrthdrawiad rhwng y beic modur yr oedd yn ei yrru a cherbyd Toyota rhwng Llanaelhaearn a Pharc Glasfryn.

Cafodd ei ddisgrifio gan ei deulu fel partner, ewythr a ffrind fydd yn cael ei fethu gan bawb.

Mae'r heddlu yn parhau i apelio am wybodaeth am y digwyddiad.