Tagfeydd ar yr M4 ger Abertawe oherwydd digwyddiad

Cyhoeddwyd
Ffynhonnell y llun, Traffic Wales

Mae ffordd yr M4 ger Abertawe bellach wedi ailagor ar ôl i'r heddlu ei chau am gyfnod er mwyn delio â digwyddiad.

Roedd Heddlu De Cymru wedi rhwystro'r ffordd i'r ddau gyfeiriad yn dilyn y digwyddiad rhwng cyffordd 45, Ynysforgan a chyffordd 46 i Langyfelach.

Mae'r draffordd bellach wedi ailagor, ond mae'r tagfeydd yn parhau i effeithio ar deithwyr i'r gorllewin yn ôl at gyffordd 44, Llansamlet a theithwyr i'r dwyrain hyd at gyffordd 47, Penllergaer.

Dywedodd yr heddlu eu bod wedi cael eu galw am 11:10 i ddigwyddiad yn ymwneud â phont sydd yn croesi'r ffordd.