Dyn wedi marw ar ôl tân ar gaeau chwarae yng Nghaerdydd

Cyhoeddwyd
ffynhonnell y llun, Google

Mae'r heddlu wedi cadarnhau fod dyn wedi marw ar ôl tân ar gaeau chwarae yng Nghaerdydd.

Cafodd y dyn 40 oed ei gludo i'r ysbyty wedi'r digwyddiad yn ardal Grangetown ddydd Sadwrn ond bu farw'n ddiweddarach.

Mae Heddlu De Cymru yn apelio am wybodaeth gan bobl a welodd y dyn ar gaeau chwarae Marl.

Dywedodd y Prif Arolygydd Karl Eenmaa fod pobl oedd yn bresennol yn y digwyddiad wedi bod yn dystion i "sefyllfa erchyll".

Mae'r heddlu wedi cadarnhau nad ydyn nhw'n chwilio am unrhyw un arall mewn cysylltiad â'r digwyddiad, ac maen nhw'n apelio ar unrhyw un sydd â gwybodaeth i gysylltu â nhw ar 101.