Hedfan paragleidiwr i'r ysbyty ar ôl plymio i'r ddaear

Cyhoeddwyd
Ffynhonnell y llun, Tîm Achub Mynydd Aberhonddu

Mae paragleidiwr wedi cael ei hedfan i'r ysbyty ar ôl plymio i'r ddaear ym Mannau Brycheiniog.

Fe wnaeth y dyn yn ei 50au daro'r llawr ar Gorn Du, ger Pen y Fan, tua 15:20 ddydd Iau.

Cafodd y gwasanaethau brys eu galw ac fe gafodd ei drin am anafiadau i'w asgwrn cefn a'i belfis.

Fe gafodd ei hedfan mewn hofrennydd i Ysbyty Athrofaol Cymru yng Nghaerdydd ond does dim gwybodaeth eto am ei gyflwr.

Ffynhonnell y llun, Tîm Achub Mynydd Aberhonddu