Rio: Aur i Hollie Arnold yn taflu'r waywffon

Published
image copyrightGetty Images

Mae'r Gymraes, Hollie Arnold wedi ennill medal aur yn taflu'r waywffon yn y Gemau Paralympaidd yn Rio.

Fe wnaeth y ferch o Ystrad Mynach osod record byd o 43.01m yng nghystadleuaeth F46 wrth sicrhau'r fuddugoliaeth.

Mae hi nawr yn ychwanegu medal aur Paralympaidd i gyd-fynd â'r un wnaeth hi ei ennill ym Mhencampwriaethau'r Byd yn Doha y llynedd.

Er mai 22 oed yw Arnold, dyma'r trydydd gwaith iddi gynrychioli Prydain mewn Gemau Paralympaidd, wedi iddi gystadlu yn Beijing yn 2008 yn 14 oed.