Abertawe yn derbyn cynnig am Ashley Williams gan Everton

Mae Clwb Pêl-droed Dinas Abertawe wedi derbyn cynnig gan Everton am yr amddiffynnwr Ashley Williams.

Y gred yw bod y clwb o Lerpwl wedi cynnig £12m am gapten Cymru.

Fe wnaeth yr Elyrch wrthod cynnig o £10m gan Everton am eu capten yn gynharach yn y mis.

Roedd Williams, sy'n 31 oed, o dan gytundeb gydag Abertawe tan 2018.

Mae wedi chwarae mwy na 300 o gemau i'r clwb ers ymuno am £300,000 o Stockport yn 2008.