Gwahardd timau rygbi cyffwrdd am ymladd

Cyhoeddwyd
ffynhonnell y llunThis is Swansea

Mae trefnwyr gŵyl rygbi cyffwrdd ar draeth Abertawe yn dweud eu bod wedi gorfod gwahardd pedwar clwb ar ôl i chwaraewyr ddechrau ymladd yn ystod gemau.

Cafodd dwy o gemau gwyl Beach Rugby Wales eu dirwyn i ben yn gynnar ac fe gafodd y timau eu diarddel o'r gystadleuaeth pan y bu'n rhai i swyddogion diogelwch a'r heddlu ymyrryd.

Chafodd neb ei arestio.

Roedd y timau'n dod o Lynrhedynog (Ferndale), Y Rhigos, Y Porth a Wattstown.

Mae fideo o'r ymladd wedi ymddangos ar y we.

'Gwahardd yn syth'

Dywedodd y trefnydd, Ashleigh Walters: "Dwi wedi dweud wrth y timau nad y'n ni'n diodde ymddygiad fel yna yn Beach Rugby Wales.

"Cafodd y timau eu gwahardd yn syth a fyddan nhw ddim yn cael gwahoddiad yn ôl yn y dyfodol agos.

Ychwanegodd: "Cafodd dros 70 o gemau eu chwarae a dim ond mewn dwy ohonyn nhw y buodd yna gythrwfl.

"Roedd y ddwy gêm yn gemau derby, gyda'r timau'n dod o fewn milltir i'w gilydd.

"Unwaith i'r dyfarnwyr ddod â'r gemau i ben, fe ysgwydodd y chwaraewyr ddwylo'i gilydd."