BBC Cymru Fyw

Gyrrwr yn euog o achosi marwolaeth drwy yrru'n beryglus

Published
image copyrightWales News Service
image captionKyle Kennedy

Mae dyn o Gaerdydd wedi ei gael yn euog o ddau gyhuddiad o achosi marwolaeth drwy yrru'n beryglus wedi gwrthdrawiad yn y brifddinas nos Galan diwethaf.

Roedd Kyle Kennedy, 29 oed, yn gwadu achosi marwolaeth Simon Lewis a'i blentyn, oedd heb ei eni, drwy yrru'n beryglus, ond roedd wedi pledio'n euog i achosi marwolaeth y ddau drwy yrru'n esgeulus.

Digwyddodd y gwrthdrawiad ar Nos Galan yn Lamby Way, Tremorfa.

image captionRoedd Simon Lewis yn y car gyda'i wraig a'i ferch

Roedd Simon Lewis yn gyrru ei gar Daihastu Sirion a char Peugeot 307 a Ffordd Lamby.

Hefyd yn y car oedd ei wraig feichiog, Amanda, a'u merch tri mis oed, Summer.

Cafodd bachgen Amanda a Simon ei eni'n gynnar yn Ysbyty Athrofaol Cymru yng Nghaerdydd ar 3 Ionawr, ond bu farw'n ddiweddarach yr un diwrnod.