Dynes wedi marw mewn damwain ffordd ym Mhowys

Cyhoeddwyd
Ffynhonnell y llun, Google
Disgrifiad o’r llun,
Yr A483

Mae dynes 83 oed wedi marw ar ôl gwrthdrawiad ar yr A483 ym Mhowys.

Dywedodd llefarydd ar ran Heddlu Dyfed-Powys fod yna bump o geir yn rhan o'r gwrthdrawiad ger y Trallwng am 14:50 ddydd Gwener.

Cafodd y ffordd ei chau yn dilyn y digwyddiad.

Bu farw'r ddynes wrth safle i'r ddamwain ac aed â dynes arall i'r ysbyty.

Mewn damwain arall ym Mhowys ddydd Gwener bu rhan o'r A470 yn Rhaeadr ar gau rhwng 12:00 a 17:30 yn dilyn gwrthdrawiad rhwng dau gar.