Uwch Gynghrair Lloegr: Everton 1-2 Abertawe

Cyhoeddwyd
Ffynhonnell y llun, Rex Features

Mae cyfnod Francesco Guidolin fel prif hyfforddwr Abertawe wedi dechrau gyda buddugoliaeth bwysig yn Everton.

Fe welodd yr Eidalwr berfformiad gwell gan yr Elyrch, aeth ar y blaen o'r smotyn wrth i Gylfi Sigurdsson sgorio wedi i Andre Ayew gael ei faglu yn y cwrt cosbi.

Llwyddodd Everton i'w gwneud hi'n gyfartal ychydig funudau'n ddiweddarach wrth i Jack Cork droi'r bêl i mewn i'w rwyd ei hun.

Ond fe wnaeth ergyd Ayew ennill y gêm i'r ymwelwyr, wrth iddyn nhw symud pedwar pwynt o safleoedd y cwymp.

Dyma fuddugoliaeth gyntaf Abertawe dros Everton yn y gynghrair, ond yn bwysicach, dyma'r tro cyntaf iddyn nhw ennill dwy gêm yn olynol yn yr Uwch Gynghrair y tymor yma.