Cwpan Her Ewrop: Gleision 20-32 Harlequins

Cyhoeddwyd
Ffynhonnell y llun, Huw Evans picture agency

Cafodd y Gleision eu trechu gan Harlequins nos Iau i golli eu gêm gyntaf yn Ewrop y tymor yma wrth i Barc yr Arfau roi teyrnged i arwr y Crysau Duon, Jonah Lomu.

Fe gafodd funud o gymeradwyaeth ei gynnal cyn y gic gyntaf i gofio am gyn-asgellwr y Gleision, a'r tîm cartref gafodd y gorau o'r chwarae yn yr hanner cyntaf wrth iddyn nhw fynd i'r egwyl 6-3 ar y blaen.

Ond roedd Harlequins yn llawer rhy gryf yn yr ail hanner, wrth i Tim Visser ag Ollie Lindsay-Hague sgorio ceisiau o fewn 90 eiliad i'w gilydd cyn i Charlie Walker ychwanegu trydydd.

Er i gais gosb a chais Sam Hobbs roi gobaith i'r Gleision, fe welodd Matthew Rees gerdyn coch am stamp, ac fe wnaeth cais Danny Care selio'r fuddugoliaeth.

Ffynhonnell y llun, Huw Evans picture agency
Disgrifiad o’r llun,
Fe gafodd funud o gymeradwyaeth ei gynnal cyn y gic gyntaf i gofio am Jonah Lomu