Cyhoeddi enw dynes fu farw ar ôl gwrthdrawiad

Corporation Road Image copyright Google
Image caption Fe ddigwyddodd y gwrthdrawiad ar Heol Corporation yng Nghasnewydd

Mae'r heddlu wedi cyhoeddi enw dynes fu farw ar ôl gwrthdrawiad rhwng dau gerbyd yng Nghasnewydd ddydd Gwener.

Fe ddigwyddodd y gwrthdrawiad ar Heol Corporation ger y gyffordd â Ffordd Lysaght am tua 19:30, a'r ddynes fu farw oedd Suzanne Stribling, 45 oed, o Lyswyry, Casnewydd.

Fe gafodd ei chludo i Ysbyty Brenhinol Gwent gydag anafiadau difrifol ond bu farw yn ddiweddarach.

Mae Heddlu Gwent yn apelio i unrhyw dystion i gysylltu â'r llu ar 101.