Damwain Merthyr: Trydydd dyn wedi marw

Fe gafodd teyrngedau eu gadael ger safle'r ddamwain ar Heol Aberdâr

Mae dyn arall wedi marw wedi damwain car laddodd ddau arall ym Merthyr Tudful fis diwethaf.

Roedd y dyn wedi bod yn ddifrifol wael yn Ysbyty'r Brifysgol yng Nghaerdydd wedi i gar Seat Ibiza gwyn daro yn erbyn polyn telegraff tua 22:30 ar 11 Hydref.

Bu farw Rhys Jones, 18 oed, a Ryan Gibbons, 20 - y ddau o Fargoed, Caerffili - yn y fan a'r lle.

Fe gafodd dyn 20 oed ei arestio ar amheuaeth o achosi marwolaeth drwy yrru'n beryglus, a'i ryddhau ar fechnïaeth.

Fe ddywedodd Heddlu De Cymru nad oedd car arall yn rhan o'r digwyddiad.