Galw heddlu arfog wedi adroddiadau o ymosodiad

heddlu

Cafodd Heddlu'r De eu galw i Stryd Baglan yn Nhreherbert yn Rhondda Cynon Taf am 18:55 ddydd Mercher yn dilyn adroddiadau o ymosodiad yno.

Cafodd heddlu arfog eu hanfon hefyd i sichrau diogelwch y cyhoedd.

Mae dyn 58 oed wedi ei arestio ac yn cael ei gadw'n y ddalfa.

Mae'r heddlu'n dweud nad ydyn nhw'n chwilio am unrhyw un arall mewn cysylltiad â'r digwyddiad.

Mae'r ymchwiliad i'r digwyddiad yn parhau.