Corff dyn wedi ei ddarganfod ar draeth Aberafan

Traeth Aberafan Image copyright Google

Mae corff dyn wedi ei ddarganfod ar draeth Aberafan yn ne Cymru, yn ôl yr heddlu.

Cafodd Heddlu De Cymru eu galw i'r traeth am tua 7:30 fore Gwener ar ôl i gorff y dyn gael ei ddarganfod.

Mae ymchwiliad wedi dechrau i'r farwolaeth, sy'n cael ei thrin fel un heb ei esbonio ar hyn o bryd.

Mae'r crwner wedi cael gwybod.