Treth ar werth: Carcharu codwr pwysau o Abertawe

Terrance Perdue
Image caption Perdue: 18 mis o garchar

Mae codwr pwysau, sy' wedi cynrychioli Cymru yng Ngemau'r Gymanwlad, wedi ei garcharu am beidio â thalu £300,000 o Dreth Ar Werth.

Clywodd Llys y Goron Abertawe nad oedd Terrance Perdue, 44 oed o Lansamlet, wedi talu'r dreth er bod ganddo fusnes gwastraff.

Cafodd 18 mis o garchar a'i wahardd rhag bod yn gyfarwyddwr cwmni am saith mlynedd.

Clywodd y rheithgor nad oedd wedi dilyn rheolau amgylcheddol yn ei iard yn Townhill, Abertawe.

Dywedodd y barnwr: "Rydych chi wedi achosi llawer o ofid i'ch teulu a'r rhai oedd yn dibynnu arnoch chi i'w cyflwyno i godi pwysau."

Cynrychiolodd ei wlad yng Ngemau'r Gymanwlad yn 1994, 2002 a 2006.