Rutherford yn rhwystro Morgannwg rhag ennill

Colin Ingram Image copyright Getty Images
Image caption Sgoriodd Colin Ingram 89 o rediadau i Forgannwg

Batio gwych Hamish Rutherford wnaeth rwystro Morgannwg rhag cael pumed fuddugoliaeth yn yr Ail Adran.

Ond oherwydd 13 o bwyntiau mae Morgannwg yn drydydd yn yr Ail Adran wedi gêm gyfartal yn erbyn Sir Derby yn Chesterfield.

Sir Gaerhirfryn sy'n gynta a Surrey'n ail.

Roedd Colin Ingram wedi sgorio 89 o rediadau i'r ymwelwyr.

Llwyddodd Rutherford o Seland Newydd i sgorio 108 o rediadau wedi i'w dîm fatio eto am eu bod ar ei hôl hi o 158 o rediadau.

Cafodd Rutherford ei ddal goes o flaen wiced gan David Lloyd ond roedd Madsen yn 79 heb fod allan pan ddaeth y gêm i ben, Sir Derby yn 281-3.

Dyw Sir Derby ddim wedi ennill yn Chesterfield ers 2008.