O ble gest ti'r ddawn?

Cyhoeddwyd
Ffynhonnell y llun, S4C
Disgrifiad o’r llun, Dyma'r gyflwynwraig Alex Jones yn 'La bamba', un o'r rhaglenni cyntaf iddi gyflwyno erioed i S4C

Mae pawb yn gorfod dechrau rhywle, ac mae'n siŵr fod y rhan fwyaf ohonom ni â lluniau ohonom yn edrych yn ifanc ac yn ddiniwed.

Yn ddigon ffodus, does neb yn gwneud yr ymdrech i chwilio drwy'r archifau a'u cyhoeddi nhw mewn erthygl sydd yn cael ei gweld gan genedl gyfan. A wel, dyna yw pris enwogrwydd mae'n siŵr. Mwynhewch!

Ffynhonnell y llun, S4C
Disgrifiad o’r llun, 'Dydyn nhw'n edrych yn ddiniwed?

Faint o'r cyflwynwyr 'Planed Plant' yma fedrwch chi enwi? Cliciwch yma am eu henwau i gyd.

Disgrifiad o’r llun, Ai ar ôl gweld y llun hwn ddaethon nhw lan gyda'r enw 'Spike' i gymeriad Rhys Ifans yn 'Notting Hill'?
Disgrifiad o’r llun, Cyflwynwyr Bilidowcar tua 1982. Ydy'r ferch â'r gwallt tywyll yn edrych yn gyfarwydd i chi? Ie, Angharad Mair gyda Dewi Rhys Williams, yr actor, wrth ei hochr ac Emyr Davies ar y chwith.
Disgrifiad o’r llun, Nabod y digrifwr ar y dde? 'Eddie Butler' ei hun, y digrifwr Iwan John sydd wrthi'n poeni am glogyn y brenin
Disgrifiad o’r llun, Pwy sy'n chwarae DJ priodas mewn pennod o 'Just Good Friends' yn 1984? Yr actor Stifyn Parri, dyna pwy
Disgrifiad o’r llun, Yr actor Matthew Rhys yn ymddangos ar y rhaglen i-Dot ar S4C gyda Beca Evans a Matthew Glyn
Disgrifiad o’r llun, Nawr te. Pwy sy'n medru gweld Siân James, Betsan Powys a Ieuan Rhys yn y llun yma? Mae un actor byd enwog arall yma hefyd. Fedrwch chi ei weld a'i adnabod?

Ydych chi wedi llwyddo i weld Siân James, Betsan Powys a Ieuan Rhys? Mae'r ateb yma.

Pwy yw'r actor adnabyddus arall? Anfonwch eich cynigion:

Twitter: @BBCCymruFyw

E-bost: cymrufyw@bbc.co.uk