Darganfod arfau a chyffuriau mewn cyrch yng Nghaerdydd

  • 28 Mawrth 2015
Canton Sports Bar Image copyright Google

Mae arfau, cyffuriau ac arian wedi eu cymryd gan yr heddlu mewn cyrchoedd mewn tafarn a thŷ yng Nghaerdydd.

Cafodd nifer o bobl eu harestio yn y cyrchoedd gan Heddlu'r De yn ardal Treganna o'r ddinas nos Wener.

Cafodd cyffuriau dosbarth A eu darganfod yn y Canton Sports Bar ac mewn cyfeiriad arall.

Yn ogystal, daethon nhw o hyd i arfau ac arian y mae'r heddlu yn amau sy'n ymwneud a chyflenwi cyffuriau.

Dywedodd llefarydd: "Mae nifer wedi eu harestio am fod a chyffuriau yn eu meddiant a chyflenwi cyffuriau dosbarth A."