BBC Cymru Fyw

Annog Cymry i gefnogi Lloegr

Published
image copyrightGetty Images
Mae FL Interactive - adran ddigidol y Gynghrair Bêl-Droed - wedi ymddiheuro wedi i e-bost gael ei anfon at gefnogwyr Caerdydd a Chasnewydd yn eu hannog i gefnogi Lloegr.
Roedd yr e-bost, ar ran Cymdeithas FA Lloegr, yn annog cefnogwyr i ymuno â chynllun fyddai'n cynnig blaenoriaeth ar gyfer prynu tocynnau i gemau yn Stadiwm Wembley.
Cafodd y neges ei hanfon at gefnogwyr oedd wedi dewis derbyn e-byst marchnata.
Mi wnaeth FL Interactive ymddiheuro, gan ddweud: "Yn amlwg bydd mwyafrif helaeth o gefnogwyr y ddau glwb hefyd yn cefnogi Cymru."