Cyffuriau ar gwch: Cyhuddo tri arall

Makayabella Image copyright Irish Defence Forces
Image caption Fe gafodd y Makayabella ei chanfod gan yr awdurdodau oddi ar arfordir Iwerddon

Mae tri pherson arall wedi eu cyhuddo wedi i swyddogion ddod o hyd i dunnell o gocên ar gwch oddi ar arfordir Iwerddon ym mis Medi 2014.

Mae pedwar dyn eisoes wedi eu cyhuddo o smyglo cyffuriau wedi'r digwyddiad, pan gafodd cwch ei gymryd o farina Pwllheli fel rhan o'r ymchwiliad.

Yn ôl y lluoedd diogelwch, nod y cynllwyn oedd glanio llwyth o gyffuriau ar arfordir gogledd Cymru.

Mae David Webster, 44, Philip McElhone, 29, a Dawne Powell, 56, oll o orllewin Swydd Efrog, wedi eu cyhuddo o gynllwynio i fewnforio cocên.

Fe fydd y tri'n ymddangos yn Llys y Goron Leeds ar Ebrill 8.

Mae Mrs Powell hefyd wedi ei chyhuddo o dwyll ariannol.

Fe ddaeth y cyffuriau o Venezuela, ac mae'n debyg y bydden nhw werth oddeutu £150m ar y stryd,

Straeon perthnasol