Damwain yn ardal Felinheli

Dyma lun gan deithiwr ar yr A487 yn gynharach

Mae damwain wedi bod ar yr A487 ffordd osgoi'r Felinheli yng Ngwynedd brynhawn dydd Mercher.

Cafodd swyddogion o Heddlu Gogledd Cymru eu galw tua 15:35.

Roedd y gwasanaeth ambiwlans ar y safle, ac roedd ambiwlans awyr hefyd wedi'i alw, yn ogystal â'r gwasanaeth tân.

Roedd un car wedi troi ar ei ochr.

Roedd adroddiadau o broblemau traffig difrifol yn yr ardal wedi'r digwyddiad ond mae ffordd yr A487 bellach wedi ail-agor i'r ddau gyfeiriad.