Edinburgh yn cytuo cytundeb newydd yng Nghasnewydd

Cyhoeddwyd
Ffynhonnell y llun, Huw Evans picture agency
Disgrifiad o’r llun,
Roedd cytundeb Edinburgh yn rhedeg nes 2016 cyn yr estyniad

Mae rheolwr tîm pêl-droed Casnewydd, Justin Edinburgh, wedi rhoi taw ar sibrydion am ei ddyfodol wrth gytuno i estyn ei gytundeb nes 2017.

Roedd Edinburgh, 45 oed, wedi cael ei gysylltu â swydd wag rheolwr Gillingham yn y dyddiau diwethaf, ar ôl iddynt roi'r sac i'w hyfforddwr Peter Taylor.

Arweiniodd Casnewydd i ddyrchafiad o'r Gyngres yn 2013 ac mae wedi gweld ei glwb yn codi i'r pumed safle yn yr ail adran y tymor yma.

Roedd cytundeb y cyn-amddiffynnwr yn rhedeg tan 2016 cyn yr estyniad.

Pwysleisiodd ddydd Mercher nad oedd Gillingham wedi cysylltu gydag ef.

"Does dim i'w ddiystyru," meddai. "Rydw i wedi cael fy nghysylltu gyda nhw, ond dyw'r clwb na fi wedi cael unrhyw gyswllt, felly dydw i ddim yn disgwyl bod unrhyw beth y gallaf ddiystyru os does dim i'w ddiystyru."