Cyhuddo dau o esgeuluso dynes oedrannus

Cartref preswyl Zoar yn Nhonypandy. Image copyright Google Street View

Mae dau o bobl wedi eu cyhuddo o esgeuluso dynes oedrannus a chynllwynio i wyrdroi cwrs cyfiawnder.

Mae'r cyhuddiadau'n gysylltiedig â digwyddiad honedig yn ymwneud â dynes 88 oed yng nghartref preswyl Zoar yn Nhonypandy, ym mis Mawrth 2014.

Bydd y ddau'n ymddangos gerbron Llys Ynadon Pontypridd ym mis Chwefror.

Ni fydd unrhyw weithredu pellach yn erbyn dyn, 35 oed, a dynes, 72 oed, gafodd eu holi'n wreiddiol ynglŷn â'r digwyddiad.