Stoke 3-1 Wrecsam

Stoke v Wrecsam Image copyright Getty Images

Fe ildiodd Wrecsam eu mantais yn ail-hanner y gêm yn erbyn Dinas Stoke yn nhrydedd rownd Cwpan FA Lloegr ddydd Sul.

Fe lwyddodd y tîm o'r Gyngres, ac sydd 97 o safleoedd yn is na'r tîm cartref yn y pyramid pêl-droed, i ddod ar y blaen ar ôl 73 munud, yn dilyn peniad gan Mark Carrington.

Ond fe darodd Marko Arnautovic y bêl i gefn rhwyd Wrecsam yn fuan wedyn i unioni'r sgôr, cyn i Stephen Ireland chwalu gobeithion y tîm o ogledd Cymru, drwy sgorio ddwywaith.

Gan fod Stoke yn eistedd yn gyfforddus yn yr unfed safle ar ddeg yn yr Uwch Gynghrair, maent mewn sefyllfa dda i dargedu rhediad da yn y cwpan.

Image copyright Getty Images
Image caption Daeth tua 5,000 o bobl i gefnogi Wrecsam ddydd Sul.