Agor cwest i farwolaeth Cerys Yemm

Cerys Marie Yemm Image copyright via facebook page

Mae cwest wedi ei agor a'i ohirio i farwolaeth Cerys Yemm, fu farw yn dilyn ymosodiad canibalaidd honedig ym mhentre' Argoed yn Sir Caerffili.

Clywodd uwch-grwner Gwent, David T Bowen fod Ms Yemm wedi marw o anafiadau difrifol i'w hwyneb a'i gwddf.

Fe gafodd corff y fenyw 22 oed ei ryddhau er mwyn i'w theulu gael trefnu ei hangladd.

Cafwyd hyd i Ms Yemm yn llety'r Sirhowy Arms yn y pentre' ar 6 Tachwedd.

Fe daniodd heddlu wn Taser tuag at ei hymosodwr, Matthew Williams, fu farw'n ddiweddarach.

Mae Comisiwn Cwynion Annibynnol yr Heddlu yn ymchwilio.

Straeon perthnasol