Gweilch 26 - 11 Connacht

Gweilch v Connacht Image copyright Huw Evans picture agency

Ennill wnaeth y Gweilch gartref yn erbyn Connacht, a hynny o 26-11.

Aeth y tîm cartref ar y blaen yn gynnar diolch i gic gosb lwyddiannus gan Sam Davies.

Llwyddodd Craig Robinson i unioni'r sgôr gyda chic gosb dri munud cyn diwedd yr hanner cyntaf.

Connacht aeth ar y blaen yn gynnar yn yr ail hanner diolch i gic gosb arall gan Robinson.

Ond dau funud yn ddiweddarach, roedd y Gweilch ar y blaen unwaith eto, wrth i Jeff Hassler sgorio cais.

Ychwanegodd Davies at gyfanswm y Gweilch gyda throsiad a dwy gic gosb lwyddiannus, cyn i Martin Roberts sgorio cais arall i'r tîm cartref.

Llwyddodd Eoin McKeon i sgorio cais i Connacht, ond roedd hi'n rhy hwyr i atal buddugoliaeth y Gweilch.