Damwain marchnad: Gwahardd dyn rhag gyrru

Cyhoeddwyd
Ffynhonnell y llun, vic cleveley
Disgrifiad o’r llun,
It is not known why the car drove into the stalls

Mae dyn 81 oed darodd yn erbyn stondinau ym marchnad Yr Wyddgrug, gan anafu 10 o bobl, wedi ei wahardd rhag gyrru.

Fe fydd rhaid i Norman Jones gymryd prawf gyrru arall i ad-ennill ei drwyedd.

Fe gyfaddefodd ei fod wedi gyrru'n ddiofal, gan ddweud mai dementia oedd y rheswm.

Yn ôl ei gyfreithiwr, Phillip Lloyd Jones, fydd Mr Jones byth yn ceisio eto am ei drwydded.

Fe gafodd ddirwy o £100 a bydd yn rhaid iddo dalu costau o £105.

Fe ddigwyddodd y ddamwain ddechrau Rhagfyr 2013 pan darodd car Mr Jones yn erbyn stondinau'r farchnad, yn ogystal â phobl.

Cafodd 10 o bobl eu hanafu.

Yn eu mysg, roedd un dynes gafodd anafiadau difrifol i'w choes, fe dorodd dynes arall ei ffêr a thorodd un arall dair asen.

Fe ysgrifenodd Mr Jones at y llys i bledio'n euog, gan egluro ei fod yn dioddef o dementia ers 18 mis.

Ffynhonnell y llun, Alan Daulby BBC
Disgrifiad o’r llun,
Roedd y stryd yn brysur gan ei bod hi'n ddiwrnod marchnad

Straeon perthnasol