Chwaraewr rygbi rhyngwladol hynaf Cymru wedi marw

Handel Greville
Image caption Bu'n ysgrifennydd, cadeirydd a llywydd yng Nghlwb Rygbi Llanelli

Mae chwaraewr rygbi rhyngwladol hynaf Cymru, Handel Greville wedi marw yn 92 oed.

Yn enedigol o Drefach, fe chwaraeodd i Gaerfyrddin ac Abertawe cyn ymuno â Llanelli.

Fe enillodd y mewnwr ei unig gap i Gymru mewn buddugoliaeth yn erbyn Awstralia yng Nghaerdydd yn 1947 - yn eilydd i Haydn Tanner.

Yn ddiweddarach, bu'n ysgrifennydd, cadeirydd a llywydd yng Nghlwb Rygbi Llanelli - yr unig ddyn i ddal y tair swydd.

Yn 2008, ac yntau'n 87 oed, fe oedd y capten hynaf yn y parêd cyn y gêm olaf ar Barc y Strade.

Bu farw nos Wener yn Ysbyty'r Tywysog Phillip, Llanelli.

Mynegodd y Scarlets eu cydymdeimlad dwysaf yn dilyn ei farwolaeth.

Hefyd ar y BBC