Llofruddiaeth: Dyn gerbron Llys y Goron

PATRICIA ANNE DURRANT Image copyright Heddlu Dyfed Powys
Image caption Cafwyd hyd i gorff Patricia Anne Durrant ar Fawrth 3

Mae dyn sydd wedi ei gyhuddo o lofruddio menyw yn Llandysul wedi ymddangos yn Llys y Goron am y tro cyntaf.

Mae James Blair Hamilton, 59 oed o Landysul, wedi ei gyhuddo o lofruddio Patricia Ann Durrant, 65 oed ar Fawrth 3.

Cafwyd hyd i'w chorff yn Stryd Fawr Llandysul.

Ymddangosodd Mr Hamilton gerbron y Barnwr Keith Thomas yn Llys y Goron Abertawe ar gyswllt fideo o garchar y ddinas.

Nid oedd galw ar Mr Hamilton i bledio yn y gwrandawiad ddydd Mawrth.

Cafodd ei gadw yn y ddalfa tan y gwrandawiad nesaf yn yr achos ar Fehefin 13. Mr Ustus Wyn Williams fydd y barnwr yn y gwrandawiad hwnnw.

Straeon perthnasol