Gohirio gornest Nathan Cleverly oherwydd anaf

Cyhoeddwyd
Ffynhonnell y llun, Getty Images
Disgrifiad o’r llun,
Mae Cleverly wedi ennill 26 o'i 27 gornest broffesiynol

Mae'r bocsiwr Nathan Cleverly wedi gohirio ei ornest nesaf oherwydd anaf.

Roedd disgwyl i gyn-bencampwr is-drwm y WBO wynebu Daniel Ammann ar gyfer teitl gordrwm y Gymanwlad yn Llundain ddydd Sadwrn.

Ond mae'r Cymro wedi gorfod gohirio'r ornest tan y flwyddyn newydd, wedi iddo anafu ei gefn wrth hyfforddi.

"Mae'n ergyd fawr gan fod yr hyfforddi wedi bod yn mynd mor dda," meddai.

"'Dwi eisiau dechrau o'r dechrau wrth fynd i mewn i 2014 a chael fy ngyrfa yn ôl ar y trywydd cywir."

Collodd y bocsiwr 26 oed ei deitl is-drwm yn erbyn Sergey Kovalev ym mis Awst.

Roedd Cleverly, sydd wedi ennill 26 o'i 27 gornest broffesiynol, wedi awgrymu y gallai ymddeol o'r gamp ar ôl colli ym mis Awst ond newidiodd ei feddwl.

Straeon perthnasol