Dedfrydu Lladron banc Cyffordd Llandudno

Cyhoeddwyd
ffynhonnell y llun, Heddlu Gogledd Cymru
disgrifiad o’r llunJames Jago a Darren Foster

Dedfrydwyd dau ddyn yn Llys y Goron, Caer, am ladrata o fanciau gan cynnwys un yng Nghyffordd Llandudno.

Roedd James Jago, 32, o Warrington, a Darren Foster 41, o Blacon, wedi pledio'n euog i ladrata ym Manc Barclays, Cyffordd Llandudno a Bank Nat West yn Middlewich Sir Gaer ym mis Mawrth ac Ebrill eleni.

Derbyniodd Jago dedfryd o garchar am chwe blynedd ac wyth mis a Foster 10 mlynedd am gyd-ladrata yn ogystal â pherchnogaeth o ddryll gyda'r bwriad o achosi trais a braw.

Roedd y ddau ohonynt wedi ymddangos yn y llys yn mis Hydref ac wedi pledio'n euog i'r troseddau.

Meddai'r swyddog ymchwilio, ditectif gwnstabl, Lousie Bunce o adran droseddol Heddlu Gogledd Cymru: "Hoffwn ddiolch i'r tystion a ddaeth ymlaen yn ystod yr ymchwiliad, ac rydym yn gobeithio bod y ddedfryd yma yn tawelu'r gymuned."

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol