Coleman yn parhau i Gymru

Cyhoeddwyd
ffynhonnell y llun, Getty Images
disgrifiad o’r llunMae Coleman wedi arwyddo cytundeb hyd at Ewro 2016

Mae Chris Coleman wedi arwyddo ymestyniad i'w gytundeb i barhau fel rheolwr Cymru tan gystadleuaeth Ewro 2016.

Y gred yw bod y rheolwr, 43, wedi arwyddo ymestyniad o ddwy flynedd gyda'r Gymdeithas Bêl-Droed, wedi wythnosau o ansicrwydd.

Byddai cytundeb Coleman wedi dod i ben yn dilyn gêm Cymru yn erbyn y Ffindir ar Dachwedd 16.

Roedd ansicrwydd wedi bod ynghylch ei ddyfodol wedi cyfres o ganlyniadau gwael, ac roedd sawl un hefyd wedi ei gysylltu gyda swydd yn ei hen glwb, Crystal Palace.

Cafodd Cymru ymgyrch siomedig yn rowndiau rhagbrofol Cwpan y Byd 2014 eleni, gyda nifer yn cwestiynu gallu Coleman fel rheolwr.

Gorffennodd Cymru'n bumed yn y grŵp ar ôl tair buddugoliaeth, un gêm gyfartal a chwe cholled.

Gall Coleman adio at ei dîm hyfforddi nawr, yn dilyn ymddiswyddiad John Hartson fel hyfforddwr cynorthwyol yn ddiweddar.

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol