Cymru 4-0 San Marino

Billy Bodin Image copyright Getty Images
Image caption Billy Bodin sgoriodd gôl olaf y gêm

Mae tîm dan 21 Cymru wedi curo San Marino o bedair gôl i ddim yn y gêm ragbrofol yn Stadiwm Nantporth ym Mangor.

Roedd angen y fuddugoliaeth yma arnyn nhw wedi iddynt orfod dioddef y cywilydd o golli yn erbyn San Marino, sydd ond a phoblogaeth o tua 31,000, ym mis Medi.

Ellis Harrison gafodd y gôl gyntaf ychydig cyn yr egwyl.

Llwyddodd Lee Lucas i ddyblu'r sgôr gydag ergyd wefreiddiol o ryw 30 medr, ac fe gafodd Welsey Burns a Billy Bodin gol yr un er mwyn cwblhau'r grasfa.

Mae Cymru bellach yn gyntaf yn y grŵp - ond maen nhw wedi chwarae dwy yn fwy na'r Ffindir a thair yn fwy na Lloegr.

Straeon perthnasol