Arestio pedwar wedi marwolaeth beiciwr

Cyhoeddwyd
Disgrifiad o’r llun,
Mae'r Heddlu wedi arestio pedwar o bobl ar amheuaeth o lofruddiaeth

Mae Heddlu Gwent yn trin marwolaeth beiciwr dyn 63 oed fel achos o lofruddiaeth.

Bu farw John Reeder o Bont-y-pŵl wedi digwyddiad ar Stryd George, Pontnewynydd, yn y dref fore Mercher.

Aed ag ef i Ysbyty Brenhinol Gwent ond bu farw wedi dioddef anafiadau difrifol i'w ben.

Mae'r heddlu wedi arestio pedwar o bobl - tri dyn 18, 19 a 23 oed ac un fenyw 19 oed ar amheuaeth o lofruddiaeth.

Mae ditectifs yn gofyn i unrhyw un a welodd Mr Reeder ar gefn beic i gysylltu â nhw.

Dylai unrhyw un â gwybodaeth gysylltu â'r heddlu ar 101.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol